Tronperri Dantza Taldea

    Tronperri Euskal Dantza Taldea 1962. urtean sortu zen. Lehenengoko bost urteetan Euskal Herrian zehar dantza emanaldiak ematen zituzten herrietan antolatzen ziren lehiaketetan eta erakustaldietan parte hartzen.

  Lehenengo aro hau dantzari gehienek dantza egiteari uztea erabaki zutenean amaitu zen jarduera  pertsonal eta profesionaletara dedikatzeko. Hala ere, euretako batzuk euskal dantzarenganako zuten sentimenduagatik beharrezkoa ikusi zuten euskal dantzak sustatzea eta horri eustea, euskal dantzak desagertu ez zitezen. Harrezkero beraz, dantzen lan egitarauaren proiektua umeei zuzenduta dago, umeak baitira iraganeko dantzariak, era honetan, Durangon dagoen kultura arlorik garrantzitsuenetarikoa denboran iraungo du.

Ordutik hona, Tronperriren esfortzu handiena izan da doaneko dantza irakasteko organigrama egonkorra eta iraunkorra izatea Durangoko umeei bideratuta, batez ere. Era berean, nagusien talde bat eratu da, talde honen helburuak dira alde batetik, Durangaldeko dantzen interpretazioa hobetzea eta, bestetik,     Euskal Herriko beste dantza batzuk ikastea.

  Elkartearen zeregina ez da bakarrik dantza egiten irakastea (elkartearen oinarri nagusia), eta Durangoko dantza taldeen ordezkari izatea; beste helburu batzuk daude, esate baterako, jarduera berdintsura dedikatzen diren beste taldeekin elkarlana izatea, kultur jarduera hau desagertu ez dadin.

  Horretatik aparte elkarteak beste arlo batzutan ere lan egiten du: txangoak, kanpamentuak eta ikastaroak antolatzen ditu, elkartetik zein kanpotik parte hartu gura duten ume eta gazteei zuzenduta. Aro honetako helburua argia da: urte osoan zehar egiten den lana hobetzea, horretarako ezinbestekoa da harremanak lantzea, bai dantzarien artekoak, bai dantzarien eta trebatzaileen artekoak eta baita trebatzaileen artekoak ere.

  Era berean, bigarren helburu lez erabaki da herrian dauden ekintzetan parte hartzea Durangoko beste elkarte eta erakundeekin batera.